Երեկ մեկնարկեց "Երկիր և մշակույթ" բարեգործական հասարակական կազմակերպության կողմից նախաձեռնած Գրաբարի անվճար դասընթացը: Այն տևելու է երկու ամիս, շաբաթական երկու հանդիպում: Երկու հանդիպում` դասախոսի և ուսանողների.. երկու հանդիպում` անցյալի ոսկեշող լեզվի ու այսօրվա կիսագորշ, օտար բառերով առլեցուն հայերենի... Ասեմ, որ դասընթացը վարելու է ԵՊՀ գրաբարի դասախոս Գարիկ Մկրտչյանը: Որոշված էր, որ մասնակիցները դասընթացի վերջում ստանալու են վկայականներ, սակայն պրն. Մկրտչյանի խոսքերով, այդ վկայականը դեռ պետք է վաստակել: Որպես դասընթացի անմիջական մասնակից կարող եմ հավստիացնել, որ դասընթացի սկիզբը հաջողված էր, հավաքվել էր շատ ինտելեկտուալ մի խուբ, որն, ի զարման ինձ, բավական մեծ էր: Մասնակիցների հայացքների մեջ կարելի էր տեսնել ոգևորություն ու մեծ ձգտում:Դե ինչ.. հաջողություն մաղթենք դասընթացին ու հավելենք` նախքան որևէ օտար լեզու սովորելը, սիրե'ք ձեր մայրենին ու ճանաչե'ք ձեր անցյալի փառահեղ լեզուն:
Комментариев нет:
Отправить комментарий